Herensia di Sklabitut
Revelá pasado pa kobra forsa
  home
  eksposishon
  vishon
  lugá
  aktividat
  material edukativo
  informashon di fondo
  organisashonnan
  spònser
  kontakto
     
M A T E R I A L   E D U K A T I V O


E eksposishon 'Herensha di Sklabitut' ta mashá interesante pa mucha i pa hóbennan. E manera ku a monta e totalidat ta un eksperensia personal partikular pa bishitantenan. E eksposishon ta prinsipalmente visual, ku hopi imágen i video.

E eksposishon “Herensia di Sklabitut” i e tópiko “revelá pasado pa kobra forsa”, ta invitá pa sigui profundisá mas na skol. Den e kuadro aki Komishon Herensia di Sklabitut a duna ID-arte e tarea pa desaroyá material edukativo. E pakèt edukativo ta konsistí di material pa uso den klas, den forma di un wega di bòrchi, i un guia ku yama Kana Mira, Mira Kana pa kana mira dirigí e eksposishon. Tur skol ku bishita e eksposishon ta haña tantu e material komo e guia.

Pa uso den klas ID-arte a desaroyá un wega di bòrchi ku yama SANKOFA. 'Sankofa' ta un palabra di e idioma Akan di Ghana. E ta un para ku ta bula dilanti pero ta wak alabes patras. Hungando e wega di bòrchi Sankofa, e tópiko di sklabitut i su herensia ta yega mas serka di esnan ku ta hung’é. E wega ta duna informashon di fondo ku enkargonan pa ponebo pensa i diskutí ariba i enkargonan pa un proseso kreativo. E wega tin un manual pa dosente i ta disponibel tantu na papiamentu komo na hulandes. Por hunga e wega akí tambe lòs di e eksposishon. Despues di e eksposishon e wega ta keda un material ku por sigui usa den lès. Spònsernan di e material edukativo ta: NinSee, Prins Bernard Cultuurfonds N.A., Mondriaan Stichting en de NIB Kapitaal Bank.

Dia promé di sèptèmber ta organisá un tayer pa dosentenan interesá. Tur skol ku ke bishitá e eksposishon ku nan klas por laga 2 dosente partisipá na e tayer aki. Durante di e tayer dosentenan lo haña un rekorido ku guia. Despues lo introdusí e wega di bòrchi 'Sankofa'.

Skolnan ku ke bin wak e eksposishon òf inskribí pa e tayer por tuma kontakto ku Dini Dossantos na Tayer Soshal, tel. 8647287.

Pa mas informashon di e eksposishon Herensia di Sklabitut i e material edukativo por yama ID-arte, tel. 7377360 of NAAM, tel. 4621933.



web design © 2006 Kuki & Ko






Developed with QwikZite (version 1.12)