Herensia di Sklabitut
Revelá pasado pa kobra forsa
  home
  eksposishon
  vishon
  lugá
  aktividat
  material edukativo
  informashon di fondo
  organisashonnan
  spònser
  kontakto
     
V I S H O N


Na Kòrsou tin for di dékada 60 inisiativanan pa konmemorá herensia di sklabitut (*). Ta reflehá p.e. den un Parke di Tula, dos eksposishon (na Archivo Nashonal na 2003), na Biblioteka Públiko (2005), i tin un Museo ku ta dediká atenshon na dje (Kura Hulanda). Tabatin un Kongreso Internashonal na Kòrsou "African Diáspora' dediká na herensia di Sklabitut den Karibe (UNESCO -Archivo) na 2003.
E eksposishon 'Herensia di sklabitut' -ku ta un produkshon di Wereldmuseum Rotterdam, ta enfoká riba e komersio di katibu afrikano ku Hulandesnan aoriginá i ku tin su efektonan pa henter Antia, Sürnam i na Hulanda te dia di awe.
Efektonan na Kòrsou tin su refleho visibel den nos hende i den nos geografia. Pa hasi e afektonan mas dirèkt a skohe pa lokalidat na Banda Bou, Lanthùis Groot Santa Martha.


Meta general

Ku e eksposishon aki e organisashon lokal ke kontribuí di haña un mihó bista riba e herensia di sklabitut na nos pais, pa sa mas di su konsekuensianan i logronan apesar di opreshon, i pa logra mas diálogo interkultural, mas union den nos diversidat, mas outonomia, mas rekonosimentu di bo propio identidat.


Otro Metanan
  • Pa sa mas i komprendé mas di un parti di nos historia di sklabitut, speshalmente di e hende sklabisá Afrikano.
  • Pa konosé mihó herensha, ku asento riba rikesa kultural ku a bin di diferente parti di Afrika na nos pais, Kòrsou, Antia, Sürnam, Karibe (idioma, kerensha, konosementu, formanan di komunikashon manera den ritmo,
    kanto).
  • Pa komprendé i sinti mas di efekto emoshonal i sikológiko di mas di dos siglo di un sistema inhumano pa Antia, di diskriminashon a base rasial, di oprimí balornan kultural i filosófiko di hende di orígen di Afrika (manera
    balor di rèspèt).
  • Yena un bashi den nos konosementu di sistema di sklabitut na Groot St. Marta i besindario (inkluí Savonet, Kenepa, San Juan, Silberie. Pa yena un
    bashí den konosementu, pa sa mas riba diferente formanan di resistensha: di hui, (marronage), e diferente rebelion na Kòrsou, su relashon ku nos region (Haiti, Coro) pero tambe den forma di no traha, o di logra bo mes kunuku. Yena un bashí den konosementu di sistema di paga tera, i otro
    formanan di trabou obligá forsa.

Meta spesífiko

Enbolbí komunidat aktual di Soto, ku su diferente barionan; for di pensamentu:Si bo no konosé bo historia, bo no konosé bo mes i bo no por solushoná ni
bo problema ni tampoko di pais.

* pa definishon di sklabitut, komersio di sklabitut ta sali for di material di UNESCO

web design © 2006 Kuki & Ko












Developed with QwikZite (version 1.12)